پزیشکێک: نابێت لە کاتی بەربانگ زۆر خۆری بکرێت

هەینی، 28ـی شوباتی 2025، د. بەدر قادر سورچی، پزیشکی تایبەتی خۆراک، بە ماڵپەڕی کوردستان 24ـی گوت: “لە مانگی پیرۆزی ڕەمەزان، بە درێژایی ڕۆژ، گەدەی مرۆڤ بڕێکی کەمی خواردن و خواردنەوەی تێدایە، بۆیە پێویستە لە کاتی بەرەبانگ، زۆر خواردن لەسەر یەک نەخۆین.”

ئەو پزیشکە باسی لەوەش کرد: “پێویستە لە کاتی بەربانگ، کەمترین خواردنی چەوری و سوێری بخۆرێت، لە جیاتی ئەمە زیاتر گرنگی بە سەوزە و خواردنە شلەمەنییەکان بدرێت و بڕێکی زۆرتر ئاو بخورێتەوە.”

بڕیار وایە ئێوارەی ئەمڕۆ هەینی، لیژنەی باڵای بینینی مانگ لە هەرێمی کوردستان چاودێری مانگ بکات، لە ئەگەری بینینی مانگ، سبەینێ شەممە، 01-03-2025، دەبێتە یەکەم ڕۆژی مانگی ڕەمەزان.